MÁTTUR MEYJA OG MANNA
Máttur meyja og manna er hópur bæði flokksbundinna og óflokksbundinna íbúa Bolungarvíkur með brennandi áhuga á bæjarmálum. Flokkurinn hefur boðið fram í Bolungarvík frá árinu 2014. Við leggjum áherslu á að gera Bolungarvík að samheldnu sveitarfélagi, þar sem allir taka þátt með jafnrétti og jafnræði að leiðarljósi.
Við erum stolt af okkar framlagi á kjörtímabilinu 2022 - 2026 þar sem við höfum komið miklu í verk á stuttum tíma. Lagt var upp með mikla samvinnu og samtal við minnihlutann og hefur samstarfið gengið glimrandi á tímabilinu sem sést í því að engar bókanir eða óánægja kom fram allt kjörtímabilið. Það er umtalað í það minnsta í vestfjarðapólitíkinni hvað samstarfið í bæjarpólitíkinni í Bolungarvík er gott og því getum við verið stolt af.
Nú leggjum við af stað inn í nýtt kjörtímabil með þá hugsjón að gera enn betur með ferskt og kraftmikið fólk í forystu.
Setjum X við K þann 16. maí næstkomandi.
Máttur meyja og manna fékk 4 fulltrúa kjörna í bæjarstjórn Bolungarvíkur í sveitarstjórnarkosningunum í maí 2022.
Sigríður Hulda Guðbjörnsdóttir
Formaður bæjarráðs
Magnús Ingi Jónsson
Forseti bæjarstjórnar
Ástrós Þóra Valsdóttir
Bæjarfulltrúi
Olga Agata Tabaka
Bæjarfulltrúi
Takk fyrir okkur!
15. maí 2022
Við í MMM viljum skila þakklæti til ykkar allra kæru Bolvíkingar sem studdu okkur í kosningunum. Þessi stuðningur leiddi til sigurs K-lista Máttar meyja og manna og meirihluta næstu fjögur árin í bæjarstjórn Bolungarvíkur.
Er þetta sögulegur sigur, vegna þess að aldrei hefur mótframboð XD sigrað með meirihluta kosningu. Einnig er þetta í fyrsta skiptið sem Bolvíkingur með erlendan uppruna á sæti í Bæjarstjórn Bolungarvíkur.
Þetta verkefni tökum við af fullri alvöru og einlægum vilja til þess að gera alltaf það sem er best fyrir Bolungarvík.
Við hlökkum til næstu fjögurra ára þar sem samvinna og samtalið verður haft að leiðarljósi.
Frambjóðendur MMM í kosningum 2022
Takk fyrir okkur
27 maí 2018
Ég vil fyrir hönd MMM - Máttar meyja og manna, þakka ykkur sem nýttuð atkvæðarétt ykkar og kusuð K-lista Máttar meyja og manna síðasta laugardag. Við erum þakklát fyrir ykkar stuðning og það traust þið sýnduð okkur. Síðustu vikur hafa verið lærdómsríkar og höfum við haft ánægju af því að tala við bæjarbúa um þau málefni sem eru í brennidepli. Með þau málefni í farteskinu förum við í það verkefni að taka þátt í stjórnun bæjarfélagsins næstu fjögur árin með samvinnu og samtali að leiðarljósi og vonandi fá raddir okkar hljómgrunn þó í minnihluta séum. Við erum í þjónustu við ykkur og hvetjum við ykkur Bolvíkinga til að vera ófeimin við að slá á þráðinn og vera í sambandi við okkur nýkjörna bæjarfulltrúa til að ræða um samfélagsmálefni - við erum alltaf til í samræður og hvað geti orðið samfélagi okkar til heilla.
Sigríður Hulda Guðbjörnsdóttir
